27 ނޮވެމްބަރ 2013 ވަނަ ދުވަހުގެ ރޭ 20:30 އެހާކަންހާއިރު، ކުއްލި ގޮތަކަށް އުއްތަމަ ފަނޑިޔާރު ޖަސްޓިސް ބިލްޑިންގއަށް ވަޑައިގެން، ޖަސްޓިސް ބިލްޑިންގގެ ގްރައުންޑް ފްލޯރގައި ހުންނަ ސިވިލް ކޯޓުގެ ބެލުމުގެ ދަށުގައި ހުރި އަދި ސިވިލް ކޯޓުން ބޭނުންކުރަމުންދިޔަ ކައުންޓަރުގެ ބައެއް، ސިވިލް ކޯޓު ހިންގުމާ ޙަވާލުވެހުރި ޤާޟީއަށް އެންގުމަކާ ނުލައި، ސީދާ ސިވިލް ކޯޓުގެ މުވައްޒަފުންނަށް އަމުރުފުޅުކުރައްވައި، އަދި އިދާރީ އިންތިޒާމެއް ހަމަޖެއްސުމުގެ ފުރުޞަތުވެސް ނުދެއްވައި، ސިވިލް ކޯޓުގެ އިދާރީ މުވައްޒަފުންގެ އަތުން އެބައިގެ ތަޅުދަނޑި ހޯއްދެވުމަށްފަހު،

ޖަސްޓިސް ބިލްޑިންގގެ ގްރައުންޑްފްލޯރގައި ހުންނަ، މިކޯޓުގެ އިދާރީ ކަންތައްތަކާއި، މިކޯޓަށް ހުށަހެޅޭ މައްސަލަތައް ރަޖިސްޓްރީކުރުމުގެ ކަންތައްތަކާއި، އަދި މި ކޯޓުގެ ޝަރީޢަތް ކުރާ ސެކްޝަނެއްގެ މަސައްކަތް ހިނގަމުންދާ މިކޯޓުގެ ކައުންޓަރުގެ ބައެއް، މިކޯޓަށް ރަސްމީކޮށް އެންގުމެއްނެތި، އަދި މިވަގުތު މިކޯޓު ހިންގުމާ ޙަވާލުވެހުރި ޤާޟީއަށް ރަސްމީކޮށް އެންގުމަކާވެސް ނުލާ، ސީދާ ކޯޓުގެ މުއައްޒަފުންނަށް އަމުރުވެރިގޮތެއްގައި އަންގައި، ވަރަށް ކުއްލި ގޮތަކަށް ކްރިމިނަލް ކޯޓުގެ ބެލުމުގެ ދަށަށް ރޭގެ ވަގުތެއްގައި ވަނީ ގެންގޮސްފައެވެ.

ޝަރީޢަތް ނިމުނުގޮތުގެ ރިޕޯޓަށް ބޭނުންވެގެން ހުށަހަޅާފައިވާ ފަރާތްތަކުގެ އެ ރިޕޯޓު ބަލާ އައުމަށް އެފަރާތްތަކަށް ކޯޓުން އެންގުމުން އެފަދަ ރިޕޯޓު ބަލައި ނައިސް، ކޯޓުން އެންގިތާ އެއްމަސް ދުވަސްވެއްޖެނަމަ އެ ރިޕޯޓު އެފަރާތްތަކުން ބޭނުންނުވަނީކަމަށް ބަލައި އެ ރިޕޯޓު އޭގެ ފައިލަށް ލުމަށްފަހު އަރުޝީފަށް ފޮނުވާގޮތަށް ހަމަޖައްސައި އަދި އެފަދަ ރިޕޯޓު ދެން ދޫކުރެވޭނީ އެ ރިޕޯޓަށް އެދި ހުށަހެޅުމުން ކަމަށް މިކޯޓުގެ ޤާޟީންގެ ޢާންމު މަޖިލީހުން ނިންމާފައިވެއެވެ.

ވީމާ 25 އޭޕްރީލް 2013 މި ތާރީޚުން ފެށިގެން މިގޮތަށް ޢަމަލު ކުރެވެމުން ދާނެ ކަމުގައި ދަންނަވަމެވެ.

ބަންޑާރަ ނައިބަކު ނެތްޙާލަތުގައި ދައުލަތުން ދަޢުވާކުރާ އަދި ދައުލަތަށް ދަޢުވާލިބޭ މައްސަލަތަކުގައި ސިވިލް ކޯޓުން ޢަމަލުކުރާނެ ވަކިގޮތް ސިވިލް ކޯޓުގެ ޤާޟިންގެ ޢާންމު މަޖިލީހުން ކަނޑައަޅައިފިއެވެ.